Strukturat e BDI-së në Kumanovë reagojnë rreth protestave të fundit të aktivistëve të VMRO-së për parehatinë që kanë shkaktuar tek qytetarët e Kumanovës.
“Deklaratat e pamatura të ‘patriotëve’ të VMRO-së kundër realizimit të deklaratës së përbashkët të subjekteve shqiptare po shkaktojnë nxitje dhe urrejtje ndërnacionale kështu duke shkaktuar tensione dhe shqetësime të vazhdueshme edhe tek popullata shqiptare në Kumanovë. Me këtë rast apelojmë tek qytetarët të jenë të qetë dhe të mos bien pre e provokimeve të ndryshme”, thuhet në reagimin e strukturave të BDI-së në Kumanovë.
