Derisa rrugët në lagjet shqiptare në Kumanovë janë në gjendje të mjerueshme, në lagjet e banuara me maqedonas po rregullohen dhe asfaltohen edhe rrugët dytësore. Këtë shqetësim e kanë shprehur banorë të kësaj komune të cilët janë të revoltuar se shumë rrugë në lagjet: Bahçet, Serava, Lagja e Trimave, Barakat janë në gjendje të mjerueshme. Nga ana tjetër, gati të gjitha lagjet e banuara me maqedonas në disa pjesë të qytetit po rregullohen intensivisht.
Së fundi në disa lagje edhe rrugë dytësore po rregullohen dhe asfaltohen, përfshirë edhe parqe të vogla.
Reagimet shkojnë në adresë të kryetarit të komunës, Zoran Damjanovski dhe LSDM, e cila sipas banorëve ka arritur të marrë votën shqiptare, përmes një mashtrimi të improvizuar.