Shtatë tenderë të Komunës së Kaçanikut nën hetime - Bota Sot
Shtatë tenderë të Komunës së Kaçanikut nën hetime

Lajme

E hënë, 29 gusht 2016

Shtatë tenderë të Komunës së Kaçanikut nën hetime

Më: 9 tetor 2012 Në ora: 21:23

Agjencia Kundër Korrupsionit i ka kërkuar për hetim lëndët e dy tenderëve të Komunës të Kaçanikut për shkak të dyshimit se gjatë procedurave tenderuese dhe realizimit të projekteve është dëmtuar buxheti komunal nga persona të caktuar për qëllime përfitimi. Kështu i kanë burime brenda administratës komunale, të hënën, pasi kanë rikujtuar se më herët lëndët e 5 tenderëve të tjerë janë marrë për hetim nga Njësiti Kundër Krimit Ekonomik i Policisë së Kosovës. Pohimet e burimeve i kanë konfirmuar zyrtarë përgjegjës komunalë. "Është e vërtetë se AKK-ja i ka kërkuar për hetim lëndët e 2 tenderëve”, ka thënë Zeqir Selmani, menaxher i Zyrës së prokurimit. Në këtë kontekst ai ka sqaruar se për hetim janë kërkuar lëndët e tenderëve: “Asfaltimi dhe rregullimi i rrugëve lokale” dhe “Shërbimet e zërimit”. Sipas Selmanit, projektet që janë kërkuar për hetim janë në realizim e sipër. “Operatori ekonomik ‘Eurotrans’, me seli në Kaçanik, është kontraktuar për asfaltimin dhe rregullimin e rrugëve lokale për periudhë 1-vjeçare me vlerë deri në 50 mijë euro”, ka thënë Selmani. Sipas tij, për projektin e zërimit është firmosur kontratë me vlerë të kuotuar deri në 10 mijë euro. Në gusht, Njësiti Kundër Krimit Ekonomik i Policisë të Kosovës i ka nisur hetimet për 5 tenderë të Komunës të Kaçanikut për shkak të dyshimit se persona të caktuar mund të kenë kryer veprime joligjore për qëllime përfitimi. Selmani ka rikujtuar se policia i ka marrë për hetim lëndët e tenderëve: "Asfaltimi i rrugës së Gajres", "Rregullimi i gjelbërimit në rrugën 'Ismail Raka'" (palmat), "Blerja e laptopëve për këshilltarët komunalë", "Ndërtimi i trotuarit në Kaçanik të Vjetër" dhe "Furnizimi i Komunës me material shpenzues". Rruga e Gajres është asfaltuar vjet, ndërsa projekti ka kushtuar 134.370 euro; rregullimi i gjelbërimit në rrugën "I.Raka", bashkë me mbëltimin e palmave, ka kushtuar 66.573 euro; për blerjen e laptopëve janë shpenzuar 9.585 euro; kontrata për trotuarin në Kaçanik të Vjetër është nënshkruar në shumë prej 65.000 eurosh, ndërsa kontrata e firmosur 1-vjeçare për furnizimin e Komunës me material shpenzues pritet të ketë kosto prej 15.000 - 20.000 eurosh. Ndërkaq, kryetari i Kaçanikut, Besim Ilazi, atëbotë i pati thënë gazetës se organet përgjigjëse i kanë dyert e hapura për hetimin e çdo aktiviteti në Komunën e Kaçanikut të dyshuar si joligjor. "Unë jam i vendosur për ta instaluar sundimin e ligjit këtu. Në rastin konkret uroj që hetimet të përfundojnë me konstatimin se nuk ka pasur shkelje ligji dhe as abuzim me mjetet e buxhetit komunal, ndërsa nëse del e kundërta i mbetet drejtësisë të merret me fajtorët", pati thënë Ilazi.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test