Ndërtimi i Autostradës nga pjesa e Sllatinës për në Besi nuk do të vazhdojë sivjet.
Punimet do të vazhdojnë në pranverën e vitit të ardhshëm edhe pse ishte premtuar nga Kryeministri Hashim Thaçi se nga gjysma e gushtit të këtij viti do të vazhdonin punimet në segmentin e gjashtë dhe të shtatë, por kjo nuk do të ndodhë.
Punimet janë koncentruar vetëm në segmentin e pestë, në pjesën e Gjurgjicës, raporton RTK.
Punimet në “rrugën e kombit” pritet të përfundojnë në fund të vitit 2013 atëherë edhe kur përfundon kontrata me “Bechtel&Enka” .
Autostrada Morinë - Merdarë ka filluar të ndërtohet në vitin 2010 nga po kjo kompani dhe deri më tani janë investuar mbi 500 milionë euro.