Kancelarja gjermane Angela Merkel ishte thjesht gjermane.
Kështu komentojnë në mediat sociale vizitën e saj në Tiranë.
Ajo erdhi fiks në minutën e duhur, foli qartë për azilkërkuesit, deklaroi se duhen reforma për në BE, pasi askush nuk e ka ndalur artificialisht zgjerimin e BE. Merkel tha se nuk e pengon integrimin fakti që shumica e shqiptarëve janë myslimanë, ndërsa kërkoi më shumë garanci ligjore për investitorët.
Rama nga ana e tij u angazhua për përmbushjen e reformave, madje dha një afat: në fund të vjeshtës.
Por nuk munguan batutat.
Edhe këtë herë Rama kishte në qendër të batutave futbollin.
“Ne nuk kemi koalicion të madh në Shqipëri me partinë e CDU, por kur Gjermania fiton kampionatet, ka më shumë shqiptarë të gëzuar se kur Partia Socialiste fiton zgjedhjet.
Ne përbëjmë një përjashtim në Europë, në vitin 1983, dhe kur ju, gjermanëve u duhej një fitore për të vazhduar më tutje, një pikë, shqiptarët këtu u gëzuan kur Shqipëria hëngri një gol dhe fitoi Gjermania,” tha Rama.
