Në një letër të Presidentit serb, Tomislav Nikoliq, drejtuar Presidentit rus, Vladimir Putin, shkruante se Ballkani do të gjendet në prag të luftës nëse rezoluta britanike për Srebrenicës do të kaloj në Këshillin e Sigurimit të OKB-së.
Për më shumë, Nikoliq kishte shkruar se këtë dokument e shihte si instrument politik, qëllimi i të cilit ishte dobësimi i Serbisë dhe kërcënimi i i regjionit.
E përditshmja serbe Politika, shkruan se letra drejtuar liderit rus ishte dërguar gjatë kohës sa përgaditej rezoluta britanike.
Nikoliq qartazi kishte kërkuar nga Putini që ta parandalojë rezolutën në Këshillin e Sigurimit, duke kërkuar nga ai që Rusia përdor të drejtën e vetos si anëtare e përhershme e Këshillit të Sigurimit, gjë të cilën Rusia e bëri dje në mbledhjen e KS-së.
Sipas të përditshmes, Nikoliq shtoi se nëse populli serb do të etiketohej për gjenocid të përmasave globale, “pëpjekjet e qeverisë serbe për fqinjësi të mirë, do të jenë të kota”.
“Në këtë rast, Ballkani do të gjendej në prag të luftës”, kishte shkruar Nikoliq.