Presidentja e Kosovës Atifete Jahajga në Tiranë është pritur në një takime dhe nga kryeministri i Shqipërisë Edi Rama.
Jahjaga i ka shprehur falënderimet kryeministrit Rama dhe qeverisë shqiptare për mbështetjen e pakursyer të dëshmuar ndaj Kosovës, në të gjitha aspektet dhe në mënyrë të veçantë për kontributin dhe përkrahjen në procesin e njohjes së Pavarësisë Kosovës.
Jahjaga dhe Rama vlerësuan ecurinë e bashkëpunimit shumë të mirë që ekziston mes vendeve, falë zbatimit me sukses të një sërë marrëveshjeve në fusha me interes reciprok.
Bashkëbiseduesit u dakorduan për intensifikimin dhe konsolidimin e mëtejshëm të këtij bashkëpunimi strategjik, në ekonomi, shëndetësi, arsim, apo dhe në shkëmbimet tregtare.
