Kontrolle të shtuara nga ana Policisë dhe Ushtrisë serbe në zonën e Komunës së Medvegjës, po bëjnë që shumë shqiptarë nga Kosova të vonohen në procesin e votimit që po mbahet atje.
Madje, ka mundësi që disa prej tyre të mos mund votojnë fare meqë kanë mbetur edhe më pak se gjysmë ore deri në mbylljen e votimit.
Ministrja e Dialogut, Edita Tahiri, i ka shkruar një letër BE-së, ku ndër të tjera ka thënë se ky proces i votimit do të dështojë nëse nuk lejohen që të gjithë qytetarët të votojnë.
“Para pak çasteve ministrja Tahiri i ka shkruar një letër BE-së duke i paralajmëruar ata mes tjerash që ky proces zgjedhorë do të dështojë nëse nuk i mundësohet secilit qytetarë legjitim që të votojë”, ka thënë Dren Zeka, këshilltar i ministres Tahiri.
