Së paku 22 refugjatë, në mesin e tyre edhe katër fëmijë kanë humbur jetën në bregdetin turk kur anija është fundosur derisa ishte duke lundruar për ishullin Kos në Greqi.
Rojet bregdetare kanë dalë menjëherë në vendin e ngjarjes dhe kanë arritur të shpëtojnë 211 njerëz, të cilët gjendeshin në anije .
Agjencia turke Dogan nuk ka specifikuar origjinën e refugjatëve.
Operacioni i shpëtimit ende është duke vazhduar dhe shpëtimtarët edhe më tej po tentojnë të gjejnë të mbijetuarit.
Anija është fundosur sot rreth orës 6 të mëngjesit në ujërat e detit Egje, bëjnë të ditur mediat turke.
