Sekretari amerikan i shtetit John Kerry vizitën e tij të shkurtër në Kosovë të mërkurën, e bëri vetëm në aeroportin ”Adem Jashari”.
Për të shkuar çdo gjë në rregull, siguria u ngrit në nivelet më të larta.
E sa zbriti në tokën e Kosovës, John Kerryt, i ofruan mirëseardhje kryeministri Isa Mustafa, ambasadori amerikan, Greg Delawie, si edhe Garda Ceremoniale.
Mysafiri nga Uashingtoni, menjëherë hyri në takim me Mustafën nikoqir, dhe dy zëvendësit e tij, Hashim Thaçin e Branimir Stojanoviqin.
E pas një ore bisedime, konfirmoi përkrahjen e Amerikës për Kosovën dhe dialogun e saj me Serbinë.
