Sekretari i Përgjithshëm i AAK-së, Blerim Kuqi, dhe Sekretari Ekzekutiv, Valon Tolaj, sot kanë pasur një takim me zyrtarë të policisë së Kosovës, për t’i harmonizuar veprimet për mbarëvajtjen e protestës së nesërme në Prishtinë.
Siç njofton AAK-ja, duke u nisur nga fakti se protesta është shumë e madhe, dhe nesër drejt Prishtinës do të nisën mijëra automjete, Kuqi dhe Tolaj, kanë kërkuar mbështetjen e policisë, që qarkullimi tyre të jetë i papenguar dhe maksimalisht i lehtësuar.
Ndërsa, sipas AAK-së, Policia nga ana e saj është treguar e gatshme që të ndërmarrë gjithçka të është e nevojshme, që protesta të përmbyllët e qetë.
AAK thotë se përfundimi i qetë i protestës është qëllim dhe përcaktim i saj.
