Ministrja e Drejtësisë, Dhurata Hoxha ka pritur sot në takim ushtruesin e detyrës së shefit të EULEX-it Bernd Thran.
Hoxha falënderoi misionin e EULEX-it për ndihmën dhe mbështetjen e deritashme dhe siguroi Thran se bashkëpunimi do te vazhdojë edhe më tutje, në veçanti në sektorin e sundimit të ligjit, me theks të veçantë në zbatimin e ligjeve.
Hoxha po ashtu shprehu përkushtimin e saj që gjatë punës së saj do të fokusohet në implementim më efektiv të legjislacionit në fuqi, si dhe të punohet në të gjithë sektorët e drejtësisë në bazë të parimit të transparencës, përgjegjësisë dhe llogaridhënies.
Ndërsa Thran shprehu gatishmërinë e misionit të EULEX-it për bashkëpunim sa më të ngushtë me Ministrinë e Drejtësisë. P
Po ashtu Thran siguroi ministren Hoxha se EULEX do të vazhdojë të mbështes sektorin e drejtësisë në Kosovë dhe do të punohet së bashku me qëllim të fuqizimit të këtij sektori të rëndësishëm për të ardhmen e vendit.
