Shqiptarët e Malit të Zi kanë shprehur pakënaqësitë e tyre në fushën e arsimit në gjuhën shqipe.
Ata kanë kërkuar nga institucionet shtetërore të vendit respektimin e të drejtës elementare të arsimit në gjuhën amtare.
Ministri i Arsimit, Shkencës dhe Teknologjisë së Kosovës, Arsim Bajrami ishte këto ditë për një vizitë në Mal të Zi, ku dëgjoi kërkesat e shqiptarëve të kësaj pjese të cilët kanë kërkuar që tekstet dhe programet shkollore të përfaqësojnë vlerat dhe kulturën kombëtare të nxënësve.
Ata kërkuan edhe përmirësimin e infrastrukturës në shumë objekte shkollore të shqiptarëve në Mal të Zi.