Më shumë se 10 hektarë me pyje janë përfshirë nga flakët e zjarrit në zonën e Pezës në Tiranë, ku është dashur ndërhyrja e 4 zjarrfikëseve dhe një helikopteri të ushtrisë për të vënë nën kontroll situatën.
Sipas shërbimit zjarrfikës kanë qenë banorët e zonës ata që kanë njoftuar për zjarrin e rënë, ku menjëherë në vendin e ngjarjes kanë shkuar dhjetra efektivë të shërbimit zjarrfikës që kanë nisur punën për shuarjen e flakëve të zjarrit.
Ndërkohë, një grup i posaçëm hetimor ka nisur hetimet për të zbardhur shkaqet e rënies së këtij zjarri që ka pasur pasoja të mëdha në kurorën e gjelbër.
