Universiteti i Prishtinës mori vendim për mbajtjen e dy afateve të provimeve brenda afatit të shtatorit. Senati i Universitet të Prishtinës ka vendosur të aplikojë një praktikë të re në organizimin e afateve të provimit, që do të zhvillohet si pilot-projekt në shtator të këtij viti.
Me këtë vendim nuk lejohet mbajtja e afatit të tetorit.
Kështu u vendos në mbledhjen e 7-të të Senatit të Universitetit të Prishtinës që nga zgjedhja e rektorit Marjan Dema.
Në këtë takim në rend dite janë 14 pika, shkruan kallxo. Njëra nga pikat e diskutimit ishte kërkesa e Parlamentit Studentor për lejimin e afateve të prillit dhe tetorit.
Rektori Marjan Dema për këtë pikë propozoi që të lejohet mbajtja e dy afateve brenda afatit të shtatorit, ndërkohë që theksoi se do të diskutohet prapë nëse e njëjta praktikë do të aplikohet edhe për afatin e prillit.
