Shtypi shtetëror Austriak ("Österreichische Staatsdruckerei") ka fituar gjyqin kundër Republikës së Kosovës. Gjykata e arbitrazhit me seli në Paris ka vendosur që shteti i Kosovës ti paguajë Shtypshkronjës 4,996 milion euro dëmshpërblim, plus që duhet ti paguajë edhe shpenzimet e gjyqit. Kjo u vendos të enjten, bënë me dije nga shtypshkronja.
Odiseja e seancave gjyqësore fillon në shkurt 2013, kur Shtypshkronja Shtetërore paditi Kosovën në lidhje me mos pagesat dhe dërgesën e pasaportave elektronike, si dhe dëmet e shkaktuara nga mos respektimi i kontratës nga shteti jonë. Kosova tani ka 14 ditë afat për të paguar dëmshpërblimin dhe pa mundësi ankimimi.
“Ne shpresojmë që Kosova do i paguajë,” tha përfaqësuesi i Shtypshkronjës, Helmut Lackner për APA, përcjell botasot.info. "Momentalisht me Kosovën nuk kemi kontratë tjetër biznesi."
Lajmi për paditjen e Kosovës është publikuar nga një sërë mediash austriake./Bota sot
