Që nga dita kur ishte mbajtur ceremonia e inaugurimit të presidentit Hashim Thaçi, bashkëshortja e tij Lumja, e cila tashmë mban epitetin e “Zonjës së parë” të Kosovës, nuk ishte shfaqur në publik.
Lumja, nuk ishte parë duke e shoqëruar bashkëshortin e saj në asnjë vizitë apo aktivitet të tij.
Por ishte vizita e mbrëmshme në Kosovë e zëvendëspresidentit të SHBA-së Joe Biden, shkruan magazina që e shfaqi edhe zonjën e parë të Kosovës, në krahët e presidentit Thaçi.
Ajo bashkë me presidentin, kanë pritur Biden në Airoportin e Prishtinës i cili erdhi me bashkëshorten dhe nipërit e mbesat e tij.
Lumja, kishte zgjedhur për veshje një kostum të zi, ndërsa “Zonja e dytë” e SHBA-së, një kostum ngjyrë rozë, e të dyja dukeshin mjaftë elegante.