KFOR-i nga sot deri më 26 nëntor do t’i ushtrojë ekipet e tij nga shtabi i përgjithshëm, forcat operacionale dhe taktike, për planifikim dhe ekzekutim të simulimeve për trazira civile dhe fatkeqësi natyrore.
KFOR-i, në bashkëpunim të ngushtë me Policinë e Kosovës (PK), EULEX-in, dhe Forcën e Sigurisë së Kosovës (FSK) do të marrë pjesë në një ushtrim të përbashkët i cili vjen si rezultat i shumë javëve të koordinimit, planifikimit dhe trajnimit. Këto ushtrime të koordinuara profesionlisht do të mbahen në kampin Film City, Kampin Vrellë dhe kampin Pomazatin.
Sipas një komunikate të KFOR-it, shpata e argjendtë-2 synon dy matës primar të suksesit. I pari është të testojë dhe të masë gatishmërinë e përgjithshme opercaionale të KFOR-it. I dyti është të demonstrojë si reargues i tretë përkushtimin e plotë në ofrimin e një ambienti të qetë dhe të sigurt dhe lirinë e lëvizjes në tërë Kosovën.
“Elementet e tjera do të ushtrohen në disa skenare në përputhshmëri me mandatet në vijim: PK, në rolin e saj si reargues i parë në Kontrollimin e Turmave dhe Trazirave (CRC); EULEX-i, në rolin si reargues i dytë Kontrollimin e Turmave dhe Trazirave (CRC); FSK, si mbrojtës ndaj lëndëve kimike biologjike, radioaktive dhe bërthamore (CBRN), rol në përputhshmëri me misionen e tyre për operacione reaguese në Kosovë dhe më gjerë, në operacione si ato të mbrojtjes civile, fatkeqsive natyrore dhe emrgjencave të tjera.
Ushtrimi Shpata e Argjendtë është një mundësi fenomenale për KFOR-in që t’i përmirësojë aftësitë e veta të bashkëpunimit dhe koordinimit me ofruesit e tjerë të sigurisë në Kosovë.
