Medvegjë, 29 nëntor -Partia për Veprim demokratik , dega ne Medvegjë dje zyrtarisht e lëshon pushtetin- duke e prish koalicionin me palën serbe. Florim Sahiti zv. kryetar i kuvendit dhe znj.Leme Xhema nënkryetare e Komunës kanë njoftuar “Presheva Jonë” se ky vendim i palës shiptare u imponua nga politikat diskriminuese dhe antishqiptare te regjimit të Beogradit .
Njerëzit e kanë kuptuar se aty, ku ska flamur, aty ska as perspektivë për shqiptarët
Do theksuar se prishja e këtij koalicioni te pushtetit lokal ne Medvegjë, ndodhë në 28 Nëntor Ditën e flamurit, policia serbe ndërhyri ne shkollë dhe gjatë orës se mësimit ka arrestuar shtatë nxënës shqiptare, pse ata ngritën flamurin kombëtar te garantuar nga BE, Këshilli Evropian dhe konventat ndërkombëtare, por jo edhe nga Serbia.
Tërheqjen nga pushteti lokal ne Medvegjë zyrtarisht përmes një letre e ka konfirmuar edhe zëvendës kryetari i Kuvendit të Medvegjes Florim Sahiti përmes një letre dërguar kryetarit te Kuvendit, serbit Nebojsha Arsic. Përmes kësaj letre ju njoftoj se ne nuk jemi më ne koalicion me ju, shkaqet dihen. Në një Medvegje qe me vite jam përpjekur te punojë dhe kontribuoj për një vend te qetë dhe stabil, kjo nuk është arritur sidomos ndaj popullit tim asgjë nuk u realizuar. Prandaj, shikuar situatën aktuale, konsideroj se Medvegja nuk e dëshiron përfaqësimin e shqiptarëve ..”
Ish-zyrtarët e pushtetit lokal ne Medvgje kane njoftuar edhe autoritetet ndërkombëtarë dhe diplomatike (OSBE) ne Beograd si dhe BE-ne Bruksel për politikat diskriminuese ne Luginën e Preshevës.
“Njerëzit e kanë kuptuar se aty ku ska flamur, aty ska as perspektivë për shqiptarët. Kurse serbia sot te bën kështu për një flamur, po nesër nëse do te kërkosh autonomi apo ribashkim me Kosovën çka do te bëjë. Nëse nuk ta donë flamurin tënd, sigurisht as te nuk te don..ndryshe nuk do ta zbraznin Medvegjen nga shqiptaret që dikur ishim këtu shumicë..” kanë thëne analistët nga Medvegja për “Presheva Jonë”
Sa i përket ndalimi te flamurit shqiptar ne Medvegjë, do theksuar se edhe ne kohen e Miloshevicit, regjimi komunist dhe diktatorial nuk kishte njohur flamurin shqiptare ne Medvegje dhe Kosovën Lindore, shkuan agjencia e lajmeve “Persheva Jonë”.
“Antishiptarizmi , bashke me politiken e spastrimeve etnike te shqiptareve nga Medvegja dhe sllavizmi i këtyre viseve dikur me shumice shqiptare arriti kulminacionin e vete me emërimin e një fshati me emrin e diktatorit rus “Putin” dhe kërcimet e djeshme i policisë serbe ndaj nxënëse, fëmijëve shqiptarë për shkak se ne shkolle ata paskan mbajtur një flamur kuqezi sikur moshataret e tyre ne Bujanoc dhe Preshevë. Pra te gjitha këto janë shkaqet pse ne jemi tërhequr nga ky pushtet..” kanë shpjeguar liderët e Medvegjes sot për “Presheva jonë”.
