Aktori i njohur i Kosovës, Çun Lajçi, dje ka publikuar një fotografi në Facebook, në të cilën shihej nën shoqërinë e presidentit të Kosovës Hashim Thaçi dhe shefit të Grupit Parlamentar të AAK-së, Pal Lekaj.
Në përshkrimin e fotos, Lajçi ka treguar se I ka dhënë kritika presidentit për marrëveshjen e demarkacionit me Malin e Zi.
Por, disa orë më pas, ai ka shlyer fotografinë, duke u kërkuar falje miqve të tij me këtë fjali:
“Kërkoj falje që e hoqa nji postim me Hashimin, se filluet me e prishë fjalorin”.
Mirëpo, ai e ka rikthyer sot foton, por kësaj radhe ai e ka shlyer Lekajn nga fotoja.
Sipër fotos, ai ka treguar edhe atë që ka biseduar me presidentin.
