Racizmi mbetet një plagë në Ballkan, ndërkohë që brenda disa orësh dy raste nga rajoni ynë kanë bërë xhiron e botës, duke shkaktuar mjaft zemërim.
Një futbollist i Partizanit të Beogradit, braziliani Everton Luiz nisi të qante në fushë nga fyerjet raciste.
Fotot e tij u komentuan gjerësisht nga mediat më të njohura ndërkombëtare.
Por zëvendëspresidentja e skuadrës serbe, që lëshoi fyerje raciste ndaj Evert Luiz, tha se “ai duhet të kthehet në Brazil dhe t’ua tregojë atyre gishtat e zi”.
Në një koment shokues në Facebook, Jelena Poliç akuzoi brazilianin, që braktisi fushën e lojës pas fyerjeve nga tifozët e ekipit FK Rada.
“Kjo historia e lojtarit brazilian është një paragjykim”.
“Ne duhet ta respektojmë më shumë veten, të jemi krenarë me veten, jo si Partizani që ka 7 lojtarë të huaj dhe derdh lot fals”.
“Mirë, përse nuk shkon në Brazil dhe tregojua gishtërinjtë e zinj atyre dhe shaji me nënë brazilianët. A mendon se do jetë mirë?”.
Në ndeshjen kundër Partizanit, tifozët e FK Rada bënin si majmunë sa herë që Ruiz prekte topin.
Futbollisti reagoi duke u treguar gishtin e mesit.
Ai la fushën dhe ndeshja u ndërpre.
Ndërkohë një tjetër incident racist u shënua në Dubrovnik të Kroacisë.
Aktori Jamie Foxx regjistroi momentet kur e fyejnë në një restorant kroat.
Aktori ndodhet në Dubrovnik për të xhiruar filmin “Robin Hud: Origjina”.
Por dy persona nisën ta fyejnë, duke e quajtur “zezak”.
Policia ka nisur hetimet.