Serbia kërkon lirimin e menjëhershëm dhe të plotë të Oliver Ivanoviqit, i cili është i burgosuri i fundit politike në Evropë.
Kështu ka thënë drejtori i të ashtuquajturës Zyre serbe për Kosovën, Marko Gjuriq.
“Ivanoviq është një njeri i cili është pas hekurave vetëm për shkak se i përket dhe udhëheq një pjesë të popullit serb në Kosovë, për të krijuar një ekuilibër të rremë në ndjekjen e kriminelëve të luftës”, i tha Gjuriq, mediave serbe.
Liderit të Iniciativës Qytetare Serbe SDP i cili ishte në paraburgim burg për 33 muaj, sot i është caktuar masa e arrestit shtëpiak.
Ivanoviq akuzohet për vrasjen e shqiptarëve në prill të vitit 1999 në jug të Mitrovicës, si dhe për vrasje të shqiptarëve në shkurt të vitit 2000 në veri të këtij qyteti.
