Policia e Pejës njofton se ka gjetur traktorin e vjedhur në vitin 1999. Vjedhja e traktorit ishte raportuar më 27 korrik të vitit 2016 nga shtetasi Sh.A nga fshati Suhogërllë e Istogut.
Pas raportimit njësite e hetimeve pranë stacionit policor në Istog në bashkëpunim me prokurorin e rastit ka ndërmarrë veprimet e nevojshme hetimore e që ka rezultuar me gjetjen dhe konfiskimin e traktorin e llojit IMT 540 i vjedhur në vitin 1999.
Pas një pune intensive operativo-hetimore hetuesit policer kanë arritur që të identifikojnë dhe gjejnë mjetin për të cilin kishte raportuar viktima dhe i njëjti është gjetur në qytetin e Zubin Potokut.
“Me këtë rast është identifikuar i dyshuari me iniciale: Dj.M. shtetas i Kosovës i përkatësisë serbe i lindur në vitin 1960 dhe ndaj tij është parashtruar kallëzim penal për vepër penale të vjedhjes së rëndë.
Traktori është konfiskuar, pas verifikimit të numrave të shasisë i është kthyer pronarit. Rasti i kompletuar është proceduar në Prokurorinë e shtetit për tu ndërmarrë masat e mëtejmë ligjore.