Kjo është thirrja që ka bërë Policia britanike pas denoncimit të një 43-vjeçari nga Mançesteri, i cili thotë se është mashtruar nga një femër, të cilës i ka dërguar rreth 230 mijë euro.
“The Sun’ shkruan se gjithcka ka nisur përmes rrjetit social “Facebook”. Ajo i ka dërguar 43-vjecarit një kërkesë miqësie dhe pak kohë pasi kanë komunikuar me njëri-tjetrin janë lidhur në distancë.
Gruaja pretendonte se jetonte në Afrikën e Jugut dhe i ankohej të dashurit të saj virtual se kishte probleme ekonomike. Ky i fundit i nisi disa herë para, por më pas vajza i humbi gjurmët.
Menjëherë pas denoncimit, Policia ka nisur një hetim, ku gruaja me identitet të rremë kishte mashtruar edhe disa persona të tjerë.