Pak ditë më parë, Aurelio Hasaj, 16 vjeç do të ndërronte jetë në mënyrë tragjike, ku një aksident rrugor do të ishte fatale për të.
Ngjarja u bë edhe më tragjike prej faktit se adoleshenti humbi jetën ditën e tij të lindjes dhe ku një shpërqëndrim i çastit i kushtoi atij shtrenjtë.
Sot, qindra persona të mbushur me lot, kanë përcjellë për në banesën e fundit adoleshentin shqiptar. Sipas raportimeve nga mediat italiane, funerali i të riut shqiptar u mbajt në bazilikën e vogël të provincës së San Sebastianos në Itali.
Mesha u mbajt nga Kryeprifti At Tindaro Iannelli, ndërsa arkivoli ishte i mbuluar nga flamujt e Shqipërisë dhe Italisë. Jo vetëm kaq, por në nder të tij, Komuna e shpalli ditën e sotme, një ditë zie.
Mesha nuk kaloi edhe pa fjalën e fundit për të dashurin e tyre nga ana e kushëririt të 16 vjeçarit shqiptar, shokët e klasës dhe vëllai tij, Alessio Hasaj. Ky i fundit përmes një fjalimi prekës, ka rrëfyer të gjithë dhimbjen për vdekjen tragjike të Aurelios.
Pasi doli nga bazilika, në sheshin e mbushur nga mijera persona, arkivoli i Aurelios u percoll nga muzika që ai e donte aq shumë.
Shqiptari ne momentin e aksidentit po udhëtonte me motor, së bashku me një shoqen e tij kur është përplasur me një shtyllë.
Ai është përplasur me kokë në asphalt ku edhe pse u dërgua me urgjencë në Spital, i riu nuk ka mundur dot të mbijetojë.
