Fotoja e një gruaje myslimane, e cila kalon pranë viktimave të aktit terrorist në Londër, por nuk reagon, ka shkaktuar një valë komentesh online.
Shumë njerëz e kanë akuzuar gruan myslimane se po injoron viktimat e krimit terrorist.
Por personi që bëri fotografinë e gruas myslimane, e cila sheh telefonin e saj ndërsa kalon në urën e Uestminsterit, e ka mbrojtur atë.
Ai tha se kalimtarja myslimane ishte e tmerruar dhe e shqetësuar.
Fotografi 28-vjeçar, Jamie Lorriman tha se ajo nuk po injoronte skenën e krimit, por nëse i sheh fytyrën, ajo është vërtet e shqetësuar.
Pesë persona, përfshi këtu autorin e sulmit, humbën jetën nga sulmi terrorist pranë parlamentit në Londër.
