Këshilltari i Këshillit për të Drejtat e Njeriut në Kombet e Bashkuara Zhan Cigler ka thënë në një intervistë për gazetën austriake “Kurir” se Lufta e Tretë Botërore është shumë afër.
Ai ka thënë se plot 54 milionë njerëz kanë vdekur vitin e kaluar prej shumë shkaqeve, ku kryesorë janë lufta, uria, uji i ndotur apo epidemitë. Ai tha se jetojmë në diktaturë globale të kapitalit financiar.
“Biznesmenët e 500 kompanive më të mëdha në botë kontrollojnë 52.8 për qind nga Prodhimi Bruto Botëror. Kjo është fuqi, të cilën nuk e ka asnjë mbret, perandor apo papë”, ka thënë Cigler. Ai ka shpjeguar edhe atë që quan “rendi botëror kanibal”, emërtim që ka përdorur për mbi një miliardë njerëz në botë, që vuajnë nga uria.