Në vitin 2016 janë ngritur 28 kallëzime penale për zyrtarë të lartë publikë ku janë të përfshirë 42 persona.
Këtë e ka bërë të ditur Drejtori i Agjencisë kundër Korrupsionit, Shaip Havolli i cili në Komisionin për Legjislacion ka prezantuar raportin e këtij institucioni për vitin 2016.
Havolli ka shtuar se mbetet sfidë edhe më tutje monitorimi i Prokurimit Publik.
Ai ka thënë poashtu se ka ngritje të bashkëpunimit në mes të institucioneve të ndryshme, përfshirë edhe njësinë e Inteligjencës Financiare që ka shërbyer për të kontrolluar qarkullimet bankare të zyrtarëve të lartë publikë.
Sipas tij, vetëm 18 zyrtarë të lartë nuk e kanë deklaruar pasurinë.
