Ushtarët e Koresë së Veriut mbanin kryesisht armatim fallco gjatë paradës masive të organizuar para pak ditësh.
Kështu pretendon një ish-ekspert i inteligjencës amerikane.
Michael Pregent beson se armët e ekspozuara nga trupat e vendit komunist gjatë paradës nuk janë të vërteta.
Madje ai thotë se edhe syzet që mbajnë disa ushtarë, nuk janë të përshtatshme për luftim.
Sipas tij, Koreja e Veriut po dërgon mesazhin se janë në gjendje për luftim.
Pregent beson se edhe kallashnikovët që mbajnë disa ushtarë nuk janë të mbushur, pasi Koreja e Veriut ka një mungesë të theksuar municionesh.
Një ditë më parë, vendi komunist organizoi stërvitjen më të madhe ushtarake në histori.
Koreja e Veriut po tregon forcën ndaj Koresë së Jugut, e cila po organizon po ashtu një stërvitje të përbashkët me SHBA.
Prej kohësh spekulohet se SHBA mund të sulmojë vendin komunist, për të mos lejuar përparimin e programit bërthamor.
