Presidenti i Kosovës, Hashim Thaçi ka reaguar në lidhje me zhvillimet në Maqedoni, i cili ka përshëndetur zgjedhjen e kryetarit të Kuvendit, ndërsa ka apeluar për përmbajtje nga veprimet e dhunës.
Shkrimi plotë i Presidentit Thaçi në Facebook:
Po i përcjell me shqetësim ngjarjet në Republikën e Maqedonisë. E përshëndes zgjedhjen e kryetarit të ri të parlamentit maqedonas, z. Talat Xhaferi, dhe apeloj tek të gjithë që të përmbahen nga veprimet e dhunshme dhe shpresoj që qytetarët atje të mos bien pre e provokimeve.
Stabiliteti dhe funksionimi i institucioneve demokratike të Republikës së Maqedonisë është interes i qytetarëve të saj, por edhe i gjithë rajonit.
Natyrisht se për shqiptarët e Maqedonisë zbatimi i Marrëveshjes së Ohrit është korniza e duhur e cila siguron funksionimin demokratik të shtetit fqinj, t? cilin dëshiroj ta shoh sa më shpejt të anëtarësuar në NATO dhe BE. HTH
