Listat e kadidatëve për deputetë nga partitë politike janë dorëzuar që nga dita e premte, mirëpo asnjë parti politike nuk ka bërë publike listën e saj.
Në publik kanë dalë emrat e shumë personave, disa të cilët kanë qenë më herët dhe disa të cilët janë emrat e rinj nga radhët e partive politike.
Lidhja Demokratike e Kosovës, parti kjo e cila edhe ka qeverisur mandatin e kaluar ka treguar disa nga emrat e saj, mirëpo emra këto të cilat nuk janë zyrtare.
Armend Zemaj, ish deputeti nga radhët e LDK-së ka treguar zyrtarisht që ai do të jetë në listë për deputet.
Zemaj në një pronocim për “Bota sot” ka thënë se ai është në listë dhe se lista e LDK-së nuk bën pa të.
“Po jam në listë, kjo është sikurse NATO-ja të ishte larg Amerikës, si lista pa mua” ka pohuar Zemaj.
Kujtojmë se sot është dita e fundit që partitë politike t’i publikojnë emrat zyrtarë të kadidatëve për deputetë.
