E gjithë Anglia është shokuar me lajmin se 22 persona janë vrarë dhe 59 tjerë janë plagosur, në një sulm me bombë gjatë një koncerti të këngëtares amerikane Ariana Grande në Mançester.
Gazetarja Susanna Reid nuk kishte mundur të ndal lotët, derisa bisedonte në transmetim të drejtpërdrejt me kolegët e saj brenda studios në emisionin e mëngjesit “Good Morning Britain”, si dhe nënën e një vajze të zhdukur.
Reid ishte duke biseduar me Charlotte Campbell, e cila po bën të pamundurën që të gjej bijën e saj 15-vjeçe Olia e cila zhdukur që nga momenti i shpërthimit.
Kjo nënë nuk di asgjë për fatin e bijës së saj që nga e hëna, dhe vazhdimisht ka kërkuar nga qytetarët që ta informojnë nëse dinë diçka lidhur me të.
Dhe mjaftoi që kjo lutje e saj ta bëjë gazetaren angleze të përlotet, e cila në një moment iu drejtua kamerës duke thënë “nuk arrij ta imagjinoj dot dhimbjen e familjeve”.
