Rreth 1.5 milion euro është pagesa që do të bëjë Telekomi i Kosovës drejt Z-Mobilet si pjesë e marrëveshjes të nënshkruar sot mes dy palëve.
Drejtori Menaxhues i Telekomit të Kosovës, Agron Mustafa nënshkroi sot me drejtuesit e Z-Mobile marrëveshjen e cila shmang pagesën e gjobës prej 32 milionë euro, gjobë e cila iu shqiptua Telekomit të Kosovës nga ana e Gjykatës së Arbitrazhit në Londër.
Si pjesë e marrëveshjes u bë e ditur se Telekomi duhet të paguajë shpenzimet e Arbitrazhit, ndërsa fillimisht nuk ishte bërë e ditur shuma e përafërt.
Mustafa ka thënë se sipas pagesave të para që ka parë shuma fillestare është rreth 1.5 milion euro.