Kryeministri i Malit të Zi komenton shtyrjen që i bëri Trump në Bruksel

Lajme

Kryeministri i Malit të Zi komenton shtyrjen që i bëri Trump në Bruksel

Më: 26 maj 2017 Në ora: 11:39
Presidenti i SHBA-së Donald Trump dhe Kryeministri i Malit të Zi, Dusko Markovic në Bruksel në Samitin e NATO-s

Kryeministri i Malit të Zi, Dusko Markovic, e ka komentuar me “sportivitet” shtyrjen që ia ka bërë Presidenti i SHBA-së Donald Trump në Bruksel në Samitin e NATO-s teksa përfaqësuesit e shteteve anëtare po përgatiteshin për të bërë fotografinë familjare.

Kryeministri Markovic ka thënë se Trump edhe e meriton të jetë në rendin e parë të liderëve, si udhëheqës i superfuqisë më të madhe botërore.

“I kam parë reagimet. Ajo ishte një situatë pa ndonjë tendencë. Nuk e përjetoj në asnjë mënyrë tjetër. Dua të them se është e natyrshme që Presidenti i SHBA-së të jetë në rendin e parë. Mali i Zi mbetet i dedikuar miqësisë me Shtetet e Bashkuara të Amerikës”, ka thënë ai.
Ai madje ka thënë se me Trump ka biseduar dy herë gjatë Samitit. Së pari, ka thënë se me të ka biseduar rreth 20 minuta ndërsa më vonë gjatë punimeve të samitit të NATO-s kanë po ashtu kanë shkëmbyer muhabete.

Markovic, vendi i të cilët dje formalisht ka marrë pjesë në takimin e NATO-s, pak ditë para anëtarësimit të plotë në aleancën më të fuqishme të botës, ka thënë se e ka falënderuar Trumpin për ratifikimin e Protokollit për anëtarësimin e Malit të Zi në NATO në Senatin Amerikan.

Sot mund të lexoni Shfletoni kopertinat