Vuçiq: Me Thaçin dhe Nishanin, dy bisedat më të vështira që kam pasur ndonjëherë

Lajme

Vuçiq: Me Thaçin dhe Nishanin, dy bisedat më të vështira që kam pasur ndonjëherë

Më: 4 qershor 2017 Në ora: 13:56
Takimi i presidentëve në Samitin e Brdo-Brionit, i cili u mbajt në Slloveni

Pas takimit me presidentin e Kosovës Hashim Thaçi, atë të Shqipërisë Bujar Nishani dhe Gjorgje Ivanov të Maqedonisë, tashmë presidenti serb Aleksandar Vuçiq ka thënë që kishte realizuar dy nga bisedat më të vështira që kishte pasur ndonjëherë.

“Diskutimi ishte i vështirë. Mendoj që kemi treguar qartë se cila është e vërteta në lidhje me sjelljen e njerëzve nga Kosova, nën përkrahjen e madhe të Shqipërisë”, citohet të ketë thënë Vuçiq.

Tutje ai ka thënë se janë paraqitur dallime të mëdha, se problemi duhet të zgjidhet me dialog.

Ndërsa për dialogun me Kosovën, Vuçiq ka thënë që Beogradi ka përmbushur detyrimet e veta.

“Ne kemi përmbushur gjithçka nga marrëveshjet e Brukselit, ndërsa ata nuk kanë bërë asgjë për Asociacionin e Komunave serbe për katër vjet”, deklaroi Vuçiq.

Vuçiq, Thaçi, Ivanov dhe Nishani u takuan në kuadër të samitit të Brdo-Brionit, i cili u mbajt në Slloveni.

Sot mund të lexoni Shfletoni kopertinat