Sipas ueb-sajtit ISIS.liveuamap.com, terroristi Lavdrim Muaxheri, është vrarë në një qytet në lindje të Sirisë.
Kjo hartë monitoruese e aktiviteteve terroriste dhe xhihadistëve të ISIS-it tregon se Muhaxheri u vra në qytetin Al-Asharah, në lindje të Sirisë.
Ndërkohë, vetë familja e Muhaxherit dhe Policia e Kosovës e kanë konfirmuar se ai u vra dje pas mesnate.
Besohet se ai u vra në një sulm amerikan me dron.
Xhaxhai i Lavdrimit, Bajram Muhaxheri, e ka konfirmuar në llogarinë e vet në Facebook se nipi i tij terrorist u vra, duke shkruar: “Vëllai im ka rënë shehid” dhe duke u lutur që “Allahu ta pranojë atë në mesin e shehidave, pejgamerëve e njerëzve të mirë”.