Para shumë vitesh për prindërit ishte e vështirë ti kishin në shtëpi fëmijët, pasi pothuajse gjithë ditën e kalonin duke luajtur me bashkëmoshatarët, por vitet e fundit kjo situatë po ndryshon tërësisht.
Tashmë shumë fëmijë preferojnë ta kalojnë kohën të mbyllur në shtëpi duke luajtur lojëra ose eksploruar internetin.
Por, përdorimi i tepërt i internetit po e dëmton psikologjinë e fëmijëve e madje është kthyer në rrezik për jetën e tyre. Loja virtuale e emërtuar “Balena e Kaltër”që u përhap fillimisht në vitin 2016 në Rusi dhe po shtyn adoleshentët drejt vetëvrasjes.
Psikologia Fitore Ajeti është shprehur se forcimi i fëmijëve me lidhjet virtuale ka ndikim negativ psikik dhe i largon nga socializmi me fëmijët e tjerë.
