Mërgimtari tentohet të plaçkitet nga persona me maska dhe kallashnikovë

Lajme

Mërgimtari tentohet të plaçkitet nga persona me maska dhe kallashnikovë

Më: 26 qershor 2017 Në ora: 21:37
Mërgimtari Kastriot Bala

Mërgimtari Kastriot Bala, është ndalur në magjistralen Prishtinë-Podujevë është përballur me persona të armatosur të cilët kanë tentuar ta plaçkitin. Edhe policia e ka konfirmuar rastin.

Kastriot Bala nga fshati Korroticë e Epërme e Drenasit të hënën në mëngjes erdhi nga Gjermania në Kosovë.

Por ai sapo kaloi kufirin Kosovë-Serbi në Merdarë persona të panjohur tentuan ta plaçkitin.

Thotë se personat që tentuan ta plaçkitin kishin armë të tipit kallashnikov.

“Janë dalë dy persona me maska dhe kanë kërkuar para”, tregon ai për televizionin publik.

Ai tregon se si arriti tu shmanget atyre.

“Ju thash se tash u japi paratë, e kam shti kerrin në shpejtësi edhe kam ik”, tha ai.

Pasi u largua nga vendi, Bala tha se ka kontaktuar policinë e Kosovës.

Sot mund të lexoni Shfletoni kopertinat