Kolona e automjeteve në Pikën e Kalimit Kufitar në Merdare është e gjatë 450 metra në hyrje dhe 200 në dalje.
Qytetarët duhet të presin rreth një orë për ta kaluar kufirin Serbi-Kosovë.
Fluksi i automjeteve është shtuar kohët e fundit me ardhjen e bashkatdhetarëve në vendlindje.
Sipas Qendrës Kombëtare për Menaxhimin Kufitar kolona të automjeteve ka edhe në Han të Elezit dhe të Dheu i Bardhë.
Në këto dy pika kufitare qytetarët po presin deri në 40 minuta për të hyrë në Republikën e Kosovës.
Kurse në Vermicë kolona është 100 metra e gjatë por zyrtarët kufitar kanë hapur katër korsi kalimi dhe se pritjet nuk janë të mëdha. Ndërsa në pikat tjera kufitare gjendja paraqitet më mirë dhe se pritjet janë të vogla.
