Një adoleshente (16) nga Gjermania është arrestuar nga policia, pasi u gjend midis militantëve të Shtetit Islamik në qytetin irakian të Mosulit. Arrestimin e adoleshentes e kanë konfirmuar sot zyrtarët e shtetit federal të Saksonisë.
“Presheva jonë” ka mësuar se adoleshentja quhet Linda dhe është me prejardhje shqiptare nga e ëma, megjithëse ky informacion nuk është konfirmuar zyrtarisht nga prokurorët në Dresden, kryeqyteti i shtetit lindor gjerman, ka thënë sot se autoritetet kanë bërë identifikimin e vajzës dhe akualisht Linda V. është duke marrë ndihmën e nevojshme nga ambasada gjermane në Iran.
Ushtria irakiane mori Mosulin nga duart e militantëve të Shtetit Islamik, qyteti i dytë më i madh i Irakut, një muaj më parë, pas një fushate raskapitëse e mbështetur nga SHBA-ja, një betejë që e la qytetin nën rrënoja.
Disa ditë pas rimarrjes së qytetit, njësitë ushtarake të Irakut kundër terrorizmit ndaluan 20 xhihadistë femra në një lagje të Mosulit.
Vajza 16-vjeçare Linda nga qyteti i vogël i Pulsnitz, në verilindje të Dresdenit, u zhduk në vitin 2016 pas konvertimit të saj në fenë Islame.
Sipas burimeve të medias Linda V. është në paraburgim në Bagdad me tre gjermanë të tjerë të cilët u bashkuan në vitet e fundit ISIS-it.
