Një person është plagosur në Vushtrri në njërin nga lokalet më të frekuentuara të qytetit.
Kjo ngjarje e rëndë ka ndodhur rreth orës 22:30, ndërsa jo zyrtarisht mësohet se i plagosuri A.F. ka qenë në punën e tij në kafiteri në momentin kritik..
Në vendin e ngjarjes ka dalë policia, ndërsa rreth orës 23:15 ka arritur edhe ekipi i forenzikës.
Rastin e ka konfirmuar edhe zëdhënësi i policisë, Avni Zahiti, i cili ka treguar se 21 vjeçari dyshohet se është lënduar nga arma e zjarrit, si dhe është dërguar për trajtim mjekësor.
Zahiti ka thënë për arbresh.info se policia ka arrestuar një person si të dyshuar, si dhe ka konfiskuar një pistoletë e cila dyshohet të jetë përdorur në rast.
