(E plotësuar) - Policia e Kosovës njofton se mbrëmë ka marrë një njoftim nga kryetari i komunës së Drenasit Ramiz Lladrovci për kanosje dhe dëmtim prone.
Flora Ahmeti zëdhënëse e Policisë tha se mbrëmë rreth orës 22 e 30 në fshatin Tërstenik ka ndodhur një kanosje ndaj një personi dhe i është dëmtuar prona.
Ahmeti tha se Policia sot në lidhje me këtë rast ka arrestuar një person të dyshuar pa dhënë identitetin e tij.
Media ka tentuar të marr një deklaratë edhe nga Lladrovci por I njëjti nuk iu është përgjigjur telefonatave.
Sulmohet Ramiz Lladrovci
Kryetari i Drenasit, Ramiz Lladrovci është sulmuar mbrëmë në fshatin Terstenik të kësaj komune.
Mësohet se Lladrovcit i është thyer vetura me gurë gjatë fushatës për zgjedhje lokale.
Lladrovci e ka raportuar rastin në Policinë e Kosovës në Prishtinë. Me rastin po merret drejtoria e krimeve të rënda.
“Mbrëmë rreth orës 22 Lladrovci e ka raportuar rastin në Polici në Prishtinë. Ai ka thënë se sulmi dyshon se është kryer nga Naim Bazaj dhe përkrahës të tij”, ka thënë një burim.
