Beogradi zyrtar po shkon drejtë dorëzimit sa i përket formimit të Asociacionit të Komunave me Shumicë Serbe, sipas Marrëveshjes së Brukselit.
Drejtori i zyrës për Kosovën, Marko Gjuriqi i ka dhënë një ultimatum disa vjeçar Kosovës për ta përfunduar këtë akt.
“Prishtina ka afat për 1.674 ditë ta bëjë formimin e Asociacionit të komunave serbe dhe ky është ” i vetmi kronometër që është i çelur”, ka thënë ai.
Ndryshe, Formimi i Asociacionit apo Bashkësisë së komunave me shumicë serbe është ndër prioriteti kulmor i Listës Serbe.
Igor Simiq, deputet i Listës Serbe në Kuvendin e Kosovës dhe zëdhënës i këtij subjekti politik, deklaroi para disa ditësh se ekziston një vullnet i mirë për formimin e Asociacionit të komunave me shumicë serbe, jo vetëm brenda Listës Serbe, por sipas tij edhe tek përfaqësuesit e bashkësisë ndërkombëtare në Kosovë.