Adnan Merovci, njeriu që i kishte qëndruar pranë Presidentit Ibrahim Rugova për vite me radhë, ka kujtuar sërish atë përmes një postimi në Facebook.
“Ne duam që kafen e mëngjesit ta pijmë në Prishtinë, drekën ta hajmë në Tiranë dhe për darkë të kthehemi prap në Prishtinë”, shkruan Merovci duke kujtuar këtë thënie të Presidentit Rugova, i cili parashihte ndërtimin e rrugës Prizren-Lezhë, për të cilën edhe kishte marrë premtime për fonde financiare.
Ky është postimi i plotë:
“Ne duam që kafen e mëngjesit ta pijmë në Prishtinë, drekën ta hajmë në Tiranë dhe për darkë të kthehemi prap në Prishtinë”!
Këtë ju tha disa evropianëve në fillimvitet e '90-ta, Presidenti RUGOVA!
Kjo arrihet me ndërtimin e rrugës Prizren-Lezhë (siç e quente ai) dhe për këtë pati folë me z. Zhak SHIRAK, asokohe Kryetar i Parisit dhe mori premtime se do të hulumtohen fonde financiare evropiane.
Këtë projekt të inicuar nga Presidenti RUGOVA e punuan dy ekipe nga Kosova dhe Shqipëria.
Në arkivin tim kam dokumentet origjinale të këtij projekti.
Asokohe disa thoshnin: “O tranue Kryetari”!
Foto:Durrës para disa ditëve!/BS
