Presidenti i Kosovës, Hashim Thaçi, ka thënë se 105 vjetori i Pavarësisë së Shqipërisë, 10 vjetori i Pavarësisë së Kosovës dhe tre përvjetorë të rëndësishëm të historisë shqiptare të jetësuar si frymëzim i njëri-tjetrit.
Ai përmes një postimi në Facebook ka thënë se të bashkuar si sot, shqiptarët duhet të punojnë.
“Viti mbarëkombëtar i heroit Gjergj Kastrioti – Skënderbeu, 105 vjetori i Pavarësisë së Shqipërisë dhe 10 vjetori i Pavarësisë së Kosovës, tre përvjetorë të rëndësishëm të historisë shqiptare të jetësuar si frymëzim i njëri-tjetrit. Të bashkuar si sot, të punojmë që vitin 2018 ta shndërrojmë në vit evropian për shqiptarët”, ka shkruar Thaçi në Facebook.
I pari i shtetit të Kosovës sot ka qëndruar në Vlorë bashkë me ministrat e qeverisë së Kosovës.
