Avokati tregon njërën prej mënyrave se si Praljak e futi helmin në Tribunal - Bota Sot
Avokati tregon njërën prej mënyrave se si Praljak e futi helmin në Tribunal

Lajme

E shtunë, 16 dhjetor 2017

Avokati tregon njërën prej mënyrave se si Praljak e futi helmin në Tribunal

Më: 30 nëntor 2017 Në ora: 12:03
Sllobodan Praljak

Avokati i njohur serb, Toma Fila në një deklaratë për “The Associated Press” ka treguar një mënyrë të mundshme se si gjenerali Sllobodan Praljak ka arritur të marrë helmin në Tribunalin e Hagës.

Fila, i cili ka mbrojtur të dyshuarit për krime lufte në Hagë ka thënë se helmi me lehtësi ka mundur të sillet në sallën e Tribunalit përmes avokatëve. Sipas tij, kontrollet e sigurisë për avokatët dhe stafin e gjykatës “është i njëjtë me atë të aeroportit”.

Zyrtarët e sigurimit mund të detektojnë objekte metalike dhe zakonisht konfiskojnë telefonat, por sipas avokatit serb, “pilulat dhe sasitë e vogla të lëngut” nuk mund të regjistrohen nga skanerët e sigurimit.

Gjykata e Hagës ka filluar hetimet se si i ka rënë në dorë helmi Praljakut, 72-vjeçar, i cili e piu atë derisa po i rikonfirmohej dënimi me burgim prej 20 vjetësh.

Gjatë seancës ai bërtiti: “nuk jam kriminel lufte” derisa piu helmin nga një shishe e vogël. “Sapo piva helm” shtoi ai. “Nuk jam kriminel lufte. Kundërshtoj dënimin”.

Praljak vdiq në një spital në Hagë përkundër përpjekjeve për t’ia shpëtuar jetën.

Sot mund të lexoni Shfletoni kopertinat
Sondazh
    test