Flasin nga kompania Bechtel-Enka për aksidentin e djeshëm tragjik, ku humbën jetën dy të rinjë

Lajme

Flasin nga kompania Bechtel-Enka për aksidentin e djeshëm tragjik, ku humbën jetën dy të rinjë

Më: 11 dhjetor 2017 Në ora: 09:48
Gazmend Gashi dhe Samir Elshani

Aksidenti që ndodhi në mëngjesin e djeshëm ku u përfshinë një veturë dhe një kamion i kompanisë Bechtel-Enka, la të vdekur dy persona.

Dje policia e ka konfirmuar se në aksident ishte i përfshirë edhe një kamion i kësaj kompanie. Të njëjtën gjë e thotë edhe zëdhënësja e “Bechtel Ekna”-s, Entela Ruci.

Ndër tjera ajo ka thënë se janë në pritje të autoriteteve për ta zbardhur rastin. Po ashtu, ajo ka thënë për Insajderin se çdo deklarim në këtë fazë do të ishte spekulim.

“Aksidenti tragjik i ndodhur dje në mëngjes përfshiu një nga mjetet tona Transportuese. Jemi në pritje të zbardhjes së aksidentit nga autoritetet përkatëse. Çdo aludim tjetër për këtë rast do të ishte spekulim deri në përfundimin e hetimeve”, ka thënë zëdhënësja e “Bechtel-Enka”-s.

commentFirst article
Sot mund të lexoni Shfletoni kopertinat