Ugur Toksoy, i kërkuari nga autoritetet turke nën dyshimin se ka lidhje me grushtin e shtetit të vitit të kaluar në Turqi, sot do të kuptojë nëse do të ekstradohet ose jo nga autoritetet e Kosovës drejt vendit të tij.
Kjo pasi që sot në Gjykatën Themelore të Prishtinës të mbahet seanca ku do të trajtohet kërkesa për ekstradimin e tij në Turqi.
Lajmin për mbajtjen e seancës për kallxo e ka konfirmuar avokati i Toksoyit, Adem Vokshi.
Toksoy ishte arrestuar në fund të muajit tetor të këtij viti.
Fillimisht ndaj tij ishte caktuar masa e paraburgimit.
Por, ai ishte liruar nga paraburgimi pasi kishte dhënë si dorëzani shumën prej 5 mijë eurosh.
