Zëvendëskryeministri i Kosovës, Fatmir Limaj, së bashku me anëtarët e partisë së tij dhe njëkohësisht anëtarët e qeverisë: ministrin Shyqiri Bytyqi dhe këshilltarin e tij Shkodran Imeraj, kanë qëndruar sot në darkë tek familja Dinaj në Komunën e Gjakovës.
Në fshatin Skivjan, për zëvendëskryeministrin dhe ministrin kosovar ishte përgatitur edhe një performancë nga një rapsod, raporton Insajderi.
Në një video të publikuar në Facebook, shihen Limaj dhe Bytyqi në një odë të kësaj familje nga Skivjani, teksa disa rapsodë të ulur përreth një sofre përkujdesen për t’ua ndrequr disponimin zyrtarëve të lartë qeveritar.
Me këngë patriotike, me theks folklorik, Limaj dhe Bytyqi u argëtuan në odën e familjes Dinaj në Komunën e Gjakovës.
“Këtu të rrim nga gati”, i thotë rapsodi, zëvendëskryeministrit Limaj, para se të niste performancën.
