Këngëtarja e famshme Rita Ora nesër do të performojë në Prishtinë, me rastin e 10 vjetorit të pavarësisë së Kosovës.
Para se të dalë në koncertin e paraparë për nesër në ora 20:00 në sheshin Skenderbeu, Rita do të mbajë një konferencë për shtyp.
Mediat mësojnë se konferenca media do të mbahet në Hotelin Swiss Diamond në Prishtinë, në ora 15:00.
Rita ka pranuar që të vijë dhe të perfomojë në Kosovë me rastin e 10 vjetorit të pavarësisë, pa kërkuar para si kompensim.
Kosova me këtë rast është obliguar që t’i mbulojë vetëm shpenzimet për stafin e saj, akomodimin dhe përshtatjen e kushteve teknike për performancën e saj, siç janë skena dhe të tjera të ngjashme.
Ajo këto ditë i ka bërë reklamë Kosovës, edhe përmes rrjeteve sociale ku ka miliona ndjekës nga e gjithë bota.
